Գյումրու ՍՔԱՅ ակումբի անդամները վերջերս հյուրընկալեցին Հայաստանի պետական տնտեսագիտական համալսարանի Գյումրու մասնաճյուղի ուսանողական խորհրդի նախագահ Էլմիրա Պապոյանին։
Հանդիպման ընթացքում Էլմիրան պատմեց համալսարանական կյանքի, ՀՊՏՀ ԳՄ-ում անցկացվող ծրագրերի, ուսանողական խորհրդի աշխատանքների, համալսարանում անցկացվող ծրագրերի և հետագա պլանների մասին։
Հանդիպումը շարունակեց Գյումրու ՍՔԱՅ ակումբի լիդերի օգնական Նարեկը, ով վարեց քննարկում խնայողությունների, դրա տեսակների և կարևորության մասին։ Քննարկումն ամփոփվեց մտագրոհ խաղով, որի ընթացքում ՍՔԱՅ-ականները ներկայացրեցին իրենց տեսակետները սերնդափոխության արդյունքում խնայողությունների նպատակների փոփոխության վերաբերյալ։
